Tuesday, January 28, 2020

`Things fall apart, the center cannot hold’.

`Things fall apart, the center cannot hold’.
ಇದು ಆಂಗ್ಲ ಕವಿ ಯೇಟ್ಸನ ಕವನವೊಂದರ ಸಾಲು.
ಸಾಲನ್ನು ಈಗ ಹೀಗೂ ಹಾಡಬಹುದು:
`ಭಾರತಕೋ ತುಕಡೇ ತುಕಡೇ ಕರೇಂಗೆ!
Let India fall apart!’

ಬಂಗಾಲ ಸರಕಾರವು  ಭಾರತ ದೇಶದ ಲೋಕಸಭೆಯು ಅನುಮೋದಿಸಿದ ಹಾಗು ಇದೀಗ ಶಾಸನವೆಂದು ಅಂಗೀಕೃತವಾದ ನಾಗರಿಕತೆ ಬದಲಾವಣೆ ಶಾಸನವನ್ನು ಒಪ್ಪುವದಿಲ್ಲವೆಂದೂ, ತಮ್ಮ ರಾಜ್ಯದಲ್ಲಿ ಇದನ್ನು ಚಲಾಯಿಸುವದಿಲ್ಲವೆಂದೂ ಹೇಳಿಕೆ ಕೊಟ್ಟಿದೆ. ಬಂಗಾಲವನ್ನು ಅನುಕರಿಸಿ ಇತರ ಭಾಜಪೇತರ ರಾಜ್ಯಗಳೂ ಸಹ ಇಂತಹದೇ ಹೇಳಿಕೆ ಕೊಟ್ಟಿವೆ.

ಕೇರಳದ ಮುಖ್ಯ ಮಂತ್ರಿ ಪಿಣರಾಯಿಯವರು ಭಾರತದ ಹನ್ನೊಂದು ರಾಜ್ಯಗಳಿಗೆ ಈ ಶಾಸನವನ್ನು ಧಿಕ್ಕರಿಸಲು ಕರೆ ಕೊಟ್ಟಿದ್ದಾರೆ! ಹಾಗು ಸರ್ವೋಚ್ಚ ನ್ಯಾಯಾಲಯದ ಬಾಗಿಲನ್ನು ಬಡೆದಿದ್ದಾರೆ. ಈ ಶಾಸನದ ವಿರೋಧಿಗಳು ಕೊಡುವ ಕಾರಣವೇನೆಂದರೆ, ಈ ಶಾಸನವು ಅಲ್ಪಸಂಖ್ಯಾಕರ ವಿರೋಧಿಯಾಗಿದೆ ಎನ್ನುವುದು. ಆದರೆ ಭಾರತದ ನೆರೆಹೊರೆಯ ದೇಶಗಳಲ್ಲಿ ಇದ್ದಂತಹ ಹಾಗು ಧಾರ್ಮಿಕ ದೌರ್ಜನ್ಯಕ್ಕೆ ಒಳಗಾದಂತಹ, ಈ ದೇಶದಲ್ಲಿ ಈಗಾಗಲೇ ಐದು ವರ್ಷಗಳ ವರೆಗೆ ಇದ್ದಂತಹ ಪರದೇಶೀ ಅಲ್ಪಸಂಖ್ಯಾಕರಿಗೆ ಮಾತ್ರ ಭಾರತದಲ್ಲಿ ಆಶ್ರಯ ಕೊಡುವುದು ಈ ಕಾನೂನಿನ ಉದ್ದೇಶವಾಗಿದೆ. ಭಾರತದಲ್ಲಿ ಇರುವ ಧಾರ್ಮಿಕ ಅಲ್ಪಸಂಖ್ಯಾಕರಿಗೆ ಹಾಗು ಬಹುಸಂಖ್ಯಾಕರಿಗೆ  ಇದು ಸಂಬಂಧವೇ ಇಲ್ಲದ ವಿಷಯ! ಹಾಗಿದ್ದರೆ ಭಾರತಿಯ ಧಾರ್ಮಿಕ ಅಲ್ಪಸಂಖ್ಯಾಕರಿಗೆ ಕಣ್ಕಟ್ಟು ಮಾಡುವ ಈ ಹೋರಾಟಗಳು ಏತಕ್ಕಾಗಿ? ಬಹುಶ: ಈ ತಪ್ಪು ಪ್ರಚಾರದಿಂದ ಮರುಳಾದ ಭಾರತೀಯ ಅಲ್ಪಸಂಖ್ಯಾತರು ಮುಂದಿನ ಚುನಾವಣೆಗಳಲ್ಲಿ ತಮ್ಮ ಪಕ್ಷಕ್ಕೇ ಮತ ಹಾಕಬಹುದು ಎನ್ನುವ ತರ್ಕ ಇಲ್ಲಿದೆಯೆ?

ಭಾರತದ ಆಧುನಿಕ ಸಂವಿಧಾನವು ಧರ್ಮನಿರಪೇಕ್ಷವಾಗಿದೆ ಹಾಗು ಕೇವಲ ಆ ಕಾರಣಕ್ಕಾಗಿಯೇ ಆಧುನಿಕ ಭಾರತವು ಧರ್ಮನಿರಪೇಕ್ಷವಾಗಿರತಕ್ಕದ್ದು ಎಂದು ಕೆಲವರು ಹೇಳುತ್ತಿದ್ದಾರೆ. ಬಂಧುಗಳೆ, ಆಧುನಿಕ ಸಂವಿಧಾನವು ಬರುವ ಸಾವಿರಾರು ವರ್ಷಗಳ ಪೂರ್ವದಿಂದಲೂ ಭಾರತವು ಧರ್ಮನಿರಪೇಕ್ಷವಾಗಿಯೇ ಇದೆ. (ಅದೇ ತಪ್ಪಾಯಿತು, ಎನ್ನುತ್ತೀರಾ!) ಭಾರತದ ಮೇಲೆ ತುರ್ಕಸ್ತಾನ, ಅರಬಸ್ತಾನ ಮೊದಲಾದ ಪಶ್ಚಿಮೋತ್ತರ ಹಾಗು ನಿಕಟಪಶ್ಚಿಮದ ಕಾಡುಜನರು ದಾಳಿ ಮಾಡಿ, ಭಾರತವನ್ನು ಆಕ್ರಮಿಸಿ, ತಮ್ಮ ಆಡಳಿತವನ್ನು ಸ್ಥಾಪಿಸಿದ ಬಳಿಕವೇ ಇಲ್ಲಿ ಹಿಂಸಾತ್ಮಕ ಧರ್ಮಾಂತರ ಹಾಗು ಧಾರ್ಮಿಕ ಕ್ರೌರ್ಯ ಪ್ರಾರಂಭವಾಯಿತು. ಹಾಗಿದ್ದರೂ ನಮ್ಮ ಬುದ್ಧಿಜೀವಿಗಳು ಪ್ರಚುರಿಸುತ್ತಿರುವ ಕೆಲವು ಜಾಣಸುಳ್ಳುಗಳನ್ನು ನೋಡಿರಿ. ನಮ್ಮ ಜ್ಞಾನಪೀಠಿ ಕಾರ್ನಾಡರು ಟೀಪೂಸುಲ್ತಾನನನ್ನು ವೈಭವೀಕರಿಸಿ ಒಂದು ನಾಟಕವನ್ನು ಬರೆದಿದ್ದಾರೆ. ಓರ್ವ ಪತ್ರಕರ್ತರು  ‘ಟೀಪೂಸುಲ್ತಾನನು ಮತಾಂಧನಾಗಿದ್ದನಲ್ಲವೆ’ ಎಂದು ಪ್ರಶ್ನಿಸಿದಾಗ, ಕಾರ್ನಾಡರು ಹೇಳಿದ್ದು ಹೀಗಿದೆ: ‘There was no concept of secularism at that time!’

ವಾಹ್! ಜ್ಞಾನಪೀಠಿಗಳೇ! ಟೀಪೂಸುಲ್ತಾನನಿಗಿಂತಲೂ ಸುಮಾರು ಎರಡುನೂರು ವರ್ಷಗಳಷ್ಟು ಮೊದಲೇ ವಿಶಾಲ ಕರ್ನಾಟಕದ ಸಾಮ್ರಾಟನಾಗಿದ್ದ ಕೃಷ್ಣದೇವರಾಯನು ವಿಜಯನಗರದಲ್ಲಿ ಮುಸಲ್ಮಾನರಿಗಾಗಿ ಮಸೀದಿಗಳನ್ನು ಕಟ್ಟಿಸಿಕೊಟ್ಟಿದ್ದನು ಎನ್ನುವುದು ನಿಮಗೆ ಗೊತ್ತಿರಲಿಕ್ಕಿಲ್ಲವೆ ಅಥವಾ ಇದು ಜಾಣ ವಿಸ್ಮರಣೆಯೆ? ಅಥವಾ ಟೀಪೂನ ಹಾಗು ಅವನಂಥವರ ಕಾಲಖಂಡದಲ್ಲಿ secularism concept ಅಳಿಸಿ ಹೋಯಿತೆ?
 
ಭಾರತದ ಸರ್ವಾಂಗೀಣ ಬೆಳವಣಿಗೆಗೆ ವಿವಿಧ ರಾಜ್ಯಗಳ ಕನಸುಗಳು ಹಾಗು ಆಲೋಚನೆಗಳು ಏನಿವೆ ಎನ್ನುವುದನ್ನು ಅರಿತುಕೊಂಡು ಅವುಗಳನ್ನು ಅಭಿವೃದ್ಧಿನೀತಿಯಲ್ಲಿ ಅಳವಡಿಸಿಕೊಳ್ಳೋಣ ಎನ್ನುವ ಕಾರಣಕ್ಕಾಗಿಯೇ ಪ್ರಧಾನಮಂತ್ರಿಯವರುನೀತಿ ಆಯೋಗವನ್ನು ಸ್ಥಾಪಿಸಿದರು. ನೀತಿ ಆಯೋಗ ಮೊದಲ ಸಭೆಯನ್ನು ಪ್ರಧಾನಿಯವರು ಫೆಬ್ರುವರಿ ೨೦೧೫ರಲ್ಲಿ ಕರೆದಿದ್ದರು.   ಸಭೆಗೆ ಕೆಲವು ರಾಜ್ಯಗಳ ಮುಖ್ಯ ಮಂತ್ರಿಗಳು ಉಪಸ್ಥಿತರಾಗಲಿಲ್ಲ.

ದೇಶದ ಪ್ರಗತಿಗಾಗಿ ವಿಚಾರವಿನಿಮಯ ಮಾಡಬಯಸುವ ಒಂದು ಸಭೆಯ ಮೊದಲ ಕಾರ್ಯಕ್ರಮಕ್ಕೆ ತರಹದ ಪ್ರತಿರೋಧ ಏಕೆ? ಭಾರತವುಸಹಕಾರಿ ಒಕ್ಕೂಟಎಂದು ತೆರಪಿಲ್ಲದೆ ಸಾರುತ್ತಿರುವವರು ಕೇಂದ್ರ ಸರಕಾರಕ್ಕೆ ಅಸಹಕಾರ ತೋರುತ್ತಿರುವ ಕಾರಣವೇನು?  ಸಮಗ್ರ ಭಾರತದ ಪ್ರಧಾನಿಯವರನ್ನು ತಿರಸ್ಕರಿಸುವ ಮೂಲಕ ಇವರು ಯಾವ ಸಂದೇಶವನ್ನು ಭಾರತೀಯರಿಗೆ ಕೊಡಲು ಬಯಸುತ್ತಿದ್ದಾರೆ? `ಭಾರತಕೋ ತುಕಡೇ ತುಕಡೇ ಕರೇಂಗೆ! Let India fall apart!’ ಎನ್ನುವುದು ಇವರ ಆಶಯವಾಗಿರಬಹುದೆ?

ಪ್ರಧಾನಿಯವರು ಬಾಂಗ್ಲಾ ದೇಶದ ಜೊತೆಗೆ ನದೀನೀರಿನ ಒಪ್ಪಂದ ಮಾಡಿಕೊಳ್ಳಲು ಕೋಲಕತ್ತೆಗೆ ಹೋಗಿದ್ದರು. ಸಂದರ್ಭದಲ್ಲಿ ಒಪ್ಪಂದವು ಸುಲಭವಾಗಲಿಲ್ಲ ; ಬಂಗಾಲದ ಮುಖ್ಯ ಮಂತ್ರಿಗಳು ಒಪ್ಪಂದಕ್ಕೆ ಅನುಕೂಲರಿರಲಿಲ್ಲ ಎಂದು ಹೇಳಲಾಗುತ್ತದೆ. ತಮ್ಮ ರಾಜ್ಯದ ಹಿತವು ಬೇರೆಯಾಗಿದೆ ಎಂದು ಅವರು ಭಾವಿಸಿದ್ದರೆಂದು ಹೇಳಲಾಗುತ್ತದೆ. ಅಥವಾ ಬಂಗಾಲದ ಮುಖ್ಯ ಮಂತ್ರಿಗಳು ಭಾರತದ ಪ್ರಧಾನಿಗೆ,  ‘ನನ್ನೆದುರಿಗೆ ನೀನ್ಯಾವ ಬಾಜೀರಾಯ!’ ಎಂದು ಸವಾಲು ಹಾಕಿದರು ಎಂದೂ ಕೆಲವರು ಹೇಳುತ್ತಾರೆ . ಏತಕ್ಕಾಗಿ ಸವಾಲು? ಪ್ರಧಾನ ಮಂತ್ರಿಗಳನ್ನು ಧಿಕ್ಕರಿಸುವುದರಿಂದ ತಮ್ಮ ರಾಜ್ಯದಲ್ಲಿ ತಮಗೊಂದು ರಾಜಕೀಯ ಪ್ರಭಾವಳಿ ಸಿಗುತ್ತದೆ ಎನ್ನುವ ತರ್ಕ ಇಲ್ಲಿರಬಹುದೆ? ಅಥವಾ ಇದು Let India fall apart ಎನ್ನುವುದರ ಪೂರ್ವಭಾವೀ ಪ್ರಯತ್ನವಾಗಿರಬಹುದೆ?!

ಕೇಂದ್ರ ಸರಕಾರದ ವಿಚಕ್ಷಣಾ ಪಡೆಯು (ಸಿ.ಬಿ.ಬಂಗಾಲದ ಓರ್ವ ಪೋಲೀಸ ಅಧಿಕಾರಿಯನ್ನು ವಿಚಾರಣೆಗೆ ಒಳಪಡಿಸಲು ಬಂದಾಗ, ಬಂಗಾಲ ಸರಕಾರವು ಕಾರ್ಯಕ್ಕೆ ಎನಿತೂ ಸಹಕಾರ ನೀಡಲಿಲ್ಲ. ಸರ್ವೋಚ್ಚ ನ್ಯಾಯಾಲಕ್ಕೆ ಕೇಂದ್ರ ಸರಕಾರವೂ ಹೆದರುತ್ತದೆ. ಅಂತಹದರಲ್ಲಿ ಬಂಗಾಲ ಸರಕಾರವು ಸರ್ವೋಚ್ಚ ನ್ಯಾಯಾಲಕ್ಕೆ ಸ್ವಲ್ಪವೂ ಬೆದರದೆ, ರಾಜಕುಮಾರನನ್ನು ತಮ್ಮ ಕಣ್ಣು ರೆಪ್ಪೆಯ ಕೆಳಗೆ ಕಾಯ್ದರು. ಏತಕ್ಕಾಗಿ ಅಸಹಕಾರ? ಇದರ ಅರ್ಥ ಹೀಗಿರಬಹುದೆ: ಬಂಗಾಲಿಗಳೇ, ನೀವು ಭಾರತದ ಪ್ರಜೆಗಳಲ್ಲ; ನೀವು ಬಂಗಾಲದ ಪ್ರಜೆಗಳು ಹಾಗು ಬಂಗಾಲವನ್ನು `ನಾವು ಆಳುತ್ತಿದ್ದೇವೆ!

JNUದಲ್ಲಿ ‘ಭಾರತದ ತುಕಡೆ ತುಕಡೆ’ ಆಂದೋಲನ; ಇದೀಗ ಅಲ್ಲಿಯೇ CAAದ ವಿರುದ್ಧ ಘರ್ಷಣೆ! ‘ನಾವೂ ಇಂಡಿಯನ್ಸ; ನಮಗೆ ರಾಷ್ಟ್ರಭಕ್ತಿಯನ್ನು ನೀವು ಕಲಿಸಬೇಕಾಗಿಲ್ಲ’ ಎನ್ನುವುದು ಈ ಹೋರಾಟಗಾರರ ಹಾಗು ಅವರನ್ನು ಬೆಂಬಲಿಸುವ ರಾಜಕಾರಣಿಗಳ ವಿತಂಡವಾದದ ಬೊಬ್ಬೆ! 

ವಾಸ್ತವದಲ್ಲಿ ‘ರಾಷ್ಟ್ರಭಕ್ತಿ’ ಎನ್ನುವುದು ಇರುವುದೇ ಇಲ್ಲ. ರಶಿಯಾದ ಖ್ಯಾತ ಪ್ರಾಣಿವರ್ತನಾ ವಿಜ್ಞಾನಿಯಾದ ಪಾವ್ಲೋವನು `ರಾಷ್ಟ್ರಭಕ್ತಿಯು ನಿರಂತರವಾದ ಪ್ರಯತ್ನಗಳ ಮೂಲಕ ಕಲಿಸಬೇಕಾದ ವರ್ತನೆಯಾಗಿದೆ’ ಎಂದಿದ್ದಾನೆ. (Patriotizm-operantnaya-reaktsiya = Patriotism is an operant conditioned reaction). 
ಖಂಡಿತವಾಗಿಯೂ ಇದು ಸತ್ಯ. ರಾಷ್ಟ್ರಭಕ್ತಿಯು ಕಲಿಕಾವರ್ತನೆಯಾಗಿದೆ. ಆದರೆ ಸ್ವಾರ್ಥವನ್ನು ಕಲಿಸಬೇಕಾಗಿಲ್ಲ. Selfishness is an instinct! 

ನಮ್ಮ ದೇಶ ಉಳಿದರೆ ತಾನೇ ನಾವೂ ಉಳಿಯುವುದು; ಆದುದರಿಂದ ನಾವು ದೇಶಭಕ್ತಿಯನ್ನು ನಮ್ಮ ಪ್ರಜೆಗಳಿಗೆ ಬಾಲ್ಯದಿಂದಲೇ ಒತ್ತಾಯದ ಪ್ರಯತ್ನಗಳ ಮೂಲಕ ಕಲಿಸಲೇಬೇಕಾಗುತ್ತದೆ. ಆ ಕಾರಣಕ್ಕಾಗಿಯೇ ‘ಜೈಹಿಂದ್ ; ವಂದೇ ಮಾತರಮ್’ ಮೊದಲಾದ ಘೋಷಣೆಗಳು ಬೇಕಾಗುತ್ತವೆ. ಆದರೆ ನಮ್ಮವರೇ ಆದ ಕೆಲವು ಭಾರತೀಯರು ‘ಇದು ನಮ್ಮ ಧರ್ಮಾಚಾರದ ವಿರುದ್ಧ; ಆದುದರಿಂದ ನಾವು ‘ವಂದೇ ಮಾತರಮ್’ ಎನ್ನುವುದಿಲ್ಲ ಎನ್ನುವ ವಿಚಿತ್ರ ತರ್ಕವನ್ನು ಪ್ರತಿಪಾದಿಸುತ್ತಾರೆ. ವಿಶ್ವದ ಅನೇಕ ರಾಷ್ಟ್ರಗಳಲ್ಲಿ ಸೈನಿಕ ಶಿಕ್ಷಣ ಹಾಗು ಅಲ್ಪಕಾಲೀನ ಸೈನ್ಯವೃತ್ತಿ ಅಲ್ಲಿಯ ಯುವಕರಿಗೆ ಕಡ್ಡಾಯವಾಗಿದೆ ಎನ್ನುವುದು ಉದಾರಭಾರತದಲ್ಲಿ ವಾಸಿಸುತ್ತಿರುವ ನಮ್ಮವರಿಗೆ ತಿಳಿದಿಲ್ಲ!

ಅಣ್ಣಗಳಿರಾ, ನಮ್ಮ ದೇಶದ ವಿರೋಧಿಗಳಾದ ನಮ್ಮ ನೆರೆಹೊರೆಯವರು ನಮ್ಮ ನಾಶಕ್ಕೆ ಬೆಂಕಿಯನ್ನು ಉಗುಳುತ್ತ ನಿಂತುಕೊಂಡಿದ್ದಾರೆ. ಭಾರತವು ನಾಶವಾಗಿ ಹೋದರೆ, ಯಾವ ಭಾರತೀಯನೂ (-ಯಾವುದೇ ಧರ್ಮದವನಾಗಿರಲಿ-)
 ಉಳಿಯುವುದಿಲ್ಲ. ಯಾರಾದರೂ ಉಳಿದುಕೊಂಡರೆ, ಅವರು ನೆರೆಯ ದೇಶಗಳ ಗುಲಾಮರಾಗಿ, ಹಂದಿಗಳ ಕೊಟ್ಟಿಗೆಯಲ್ಲಿ ಬದುಕಬೇಕಾಗುತ್ತದೆ, ಅಷ್ಟೆ!

ಯೇಟ್ಸನ ಕವನವು ಭಾರತಕ್ಕೆ ಭವಿಷ್ಯವಾಣಿಯಾದೀತೆ?

Friday, January 17, 2020

ವಿಶ್ವವಾಣಿ ಪತ್ರಿಕೆಯ ಸಂಪಾದಕರಿಗೆ,

ವಿಶ್ವವಾಣಿ ಪತ್ರಿಕೆಯ ಸಂಪಾದಕರೆ,
ನಾನು ಮೆಚ್ಚುವ ದಿನಪತ್ರಿಕೆಗಳಲ್ಲಿವಿಶ್ವವಾಣಿಯೂ ಒಂದು. ಇದಕ್ಕೆ ಕಾರಣ ವಿಶ್ವವಾಣಿಯಲ್ಲಿ ಕಂಡು ಬರುವ ಜಾಣಹಾಸ್ಯ. ಇದು ಅನೇಕ ಸಲ ಯಾರ್ಯಾರೋ ವ್ಯಕ್ತಿಗಳ ಹುಳಕನ್ನು ಪ್ರದರ್ಶಿಸುವ ಸಲುವಾಗಿಯೂ ಬಳಕೆಯಾಗುತ್ತಿದೆ. ಅದರಲ್ಲೇನೂ ತಪ್ಪಿಲ್ಲ ಬಿಡಿ; ಆದರೆ ಇದು ವಿನಾಕಾರಣ ವ್ಯಕ್ತಿನಿಂದನೆಯಾಗಬಾರದಷ್ಟೆ? ಹಾಗಾದಾಗ ವಿಶ್ವವಾಣಿಗೆ ಪೀತಪತ್ರಿಕೆ ಎನ್ನುವ ಬಿರುದು ಬರಲಿಕ್ಕಿಲ್ಲವೆ? ೧೭--೨೦ರ ಪತ್ರಿಕೆಯನ್ನು ನೋಡಿದಾಗ ಇಂತಹ ಭಾವನೆಯೊಂದು ನನ್ನ ಮನದಲ್ಲಿ ಸುಳಿದು ಹೋಯಿತು.

ವಿಶ್ವವಾಣಿಯ ಮುಖಪುಟದಲ್ಲಿಯೇ ಸಲ ಒಂದುಸುದ್ದಿ+ಟೀಕೆಪ್ರಕಟವಾಗಿದೆ. ಅದು ಹೀಗಿದೆ:

ಸಮಾಚಾರಕ್ಕೆ ಕೊಡಲಾದ ಶೀರ್ಷಿಕೆಯೆ ನನ್ನಲ್ಲಿ ಅಸಹ್ಯವನ್ನು ಹುಟ್ಟಿಸಿತು. ‘ಅಲ್ಲಾಡಿಸ್ತೀರಿಪದದ ಅರ್ಥವೇನು? ……..ತಲೆಯನ್ನೆ?.... ಸುದ್ದಿಯ ತಿರುಳು ಇದಕ್ಕೆ ವಿರುದ್ಧವಾಗಿದೆ; ಹಾಗಾದರೆ ಇದು ಪೃಷ್ಠವನ್ನು ಸೂಚಿಸುತ್ತಿರಬಹುದೆಓದುಗನಾದ ನನಗಂತೂ ತಿಳಿಯದು. ಸಂಪಾದಕರೇ ಹೇಳಬೇಕು! ಇನ್ನೂ ಕೆಳಮಟ್ಟಕ್ಕೆ ಇಳಿದು ಕೇಳಬಹುದಾದರೆ ಇದು ನಾಯಿಯ ಬಾಲವನ್ನು ಸೂಚಿಸುತ್ತಿದೆಯೆ? ಆದರೆ ಇದು ಒಂದು ಗಂಭೀರ ಪತ್ರಿಕೆಯು ಮುಖಪುಟದಲ್ಲಿ ಕೊಡಬಹುದಾದ ಶೀರ್ಷಿಕೆಯಂತೆ ನನಗೆ ಅನಿಸುತ್ತಿಲ್ಲ. ಹಾಗಾದರೆ ಇದು ಬಹುಶಃ ಆಧುನಿಕ ಪತ್ರಿಕಾಕಾರರ ಅಪರಿಮಿತ ಭಾಷಾಸ್ವಾತಂತ್ರ್ಯವಿರಬಹುದೇನೊ?

ವರದಿಯನ್ನು ಬರೆದ ಶ್ರೀ ಜಯವೀರ ವಿಕ್ರಮ ಸಂಪತ್ ಗೌಡರು ಸುರೇಶಕುಮಾರರನ್ನುಸುರೇಶಕ್ರಮಎಂದು ಕರೆದಿದ್ದಾರೆ. ಏಕೆಂದರೆ ಮಂತ್ರಿಗಳು ಎಲ್ಲರ ಮೇಲೂ  ಕ್ರಮಜರುಗಿಸುತ್ತಾರಂತೆ! ಜಯವೀರ ವಿಕ್ರಮ ಸಂಪತ್ ಗೌಡರು ವರದಿ ಮಾಡಿದ ಘಟನೆಯಲ್ಲಿ , ಕುಣಿದು ಕುಪ್ಪಳಿಸಿದ ಶಿಕ್ಷಕಿಯರು ಯಾವುದೇ ಅಪರಾಧ ಮಾಡಿಲ್ಲವಂತೆ; ಅವರು ಅನುಸರಿಸಿದ ಹಾಡಿನಲ್ಲಿ ಯಾವುದೇ ಅಶ್ಲೀಲತೆ ಇಲ್ಲವಂತೆ; ಅಲ್ಲಲ್ಲಿ ಅಲ್ಪ ಸ್ವಲ್ಪ ಡಬಲ್ ಮೀನಿಂಗ್ ಇರಬಹುದಂತೆ! ಇಂತಹ ಕಾರ್ಯಕ್ರಮಗಳನ್ನು  ಸಾರ್ವಜನಿಕರು ತಮ್ಮ ಟೀವಿಯಲ್ಲಿ ನೋಡುವುದಿಲ್ಲವೆ? (ನೋಡಿಯೇ ನೋಡುತ್ತಾರೆ ಎಂದು ಗ್ರಹಿಸಿಕೊಳ್ಳಿರಿ!) ವಿದ್ಯಾರ್ಥಿಗಳು ಅಲ್ಲಿ ಕೆಟ್ಟಿಲ್ಲ ಅಂದರೆ ಇಲ್ಲಿಯೂ ಸಹ (ತಮ್ಮ ಶಿಕ್ಷಕಿಯರ ಕುಣಿತವನ್ನು ನೋಡಿಯೂ ಸಹ) ಕೆಡಲಾರರು ಎನ್ನುವುದು ಜಯವೀರ ವಿಕ್ರಮ ಸಂಪತ್ ಗೌಡರ ತರ್ಕ.

ವಿಶ್ವವಾಣಿಯ ಸಂಪಾದಕರೆ, ನೀವು ಇತ್ತೀಚೆಗೆ ರಸ್ತೆಯ ಮೇಲೆ ಓಡಾಡುತ್ತಿರುವ ಹದಿಹರೆಯದ ಹುಡುಗರ ಗುಂಪುಗಳನ್ನು ನೋಡಿರುವುರಾ? ಐದಾರು ಹುಡುಗರ ಗುಂಪಿನಲ್ಲಿ ಒಬ್ಬನ ಅಥವಾ ಇಬ್ಬರ ಕೈಗಳಲ್ಲಿ ಬೆಲೆ ಬಾಳುವ ಸ್ಮಾರ್ಟ ಫೋನ್ಹುಡುಗರೆಲ್ಲರೂ ಸ್ಮಾರ್ಟ ಫೋನ್ ನೋಡುತ್ತ ಹೊಲಸು ಹೊಲಸು ಮಾತುಗಳನ್ನು ಆಡುತ್ತ ನಡೆಯುತ್ತಿರುತ್ತಾರೆ. ಕೆಲವೊಮ್ಮೆ ಅವರು ಹೇಳುವ ಮಾತು ಹೀಗೂ ಇರುತ್ತದೆ: ‘, ನಾ ಆಕಿನ್ನ ಕರದೇನ್ಲೆ. ಆಕಿ ಇಂಥಲ್ಲಿ ಬರತೇನಂತ ಹೇಳ್ಯಾಲಲೆ.’ ನಮ್ಮ ಹುಡುಗರ ಸದ್ಯದ ನೈತಿಕ ಮಟ್ಟ ಇದು. ಗೌಡರೆ, ನೀವು ಇದನ್ನು ಸಮರ್ಥಿಸುತ್ತೀರಾ? ಇಂತಹ ಹುಡುಗರೆ ನಂತರದಲ್ಲಿ ಅಸಹಾಯಕ ಬಾಲಕಿ ಸಿಕ್ಕಾಗ ರೇಪ್ ಮಾಡುವವರು; ಸಂತ್ರಸ್ತೆ ತಮ್ಮ ಗುರುತು ಹೇಳಬಹುದೆನ್ನುವ ಹೆದರಿಕೆಯಲ್ಲಿ ಅವಳನ್ನು ಭೀಕರವಾಗಿ ಕೊಲೆ ಮಾಡುವವರು. ಇವರೇ ನಿರ್ಭಯಾಳ ಅತ್ಯಾಚಾರಿ ಹಾಗು ಕೊಲೆಗಾರರು. ಇವರಿಗೆ ಇಂತಹ ಶಿಕ್ಷಣವನ್ನು ಯಾರು ನೀಡುತ್ತಿದ್ದಾರೆ, ಗೌಡರೆ? ಅವರ ಪರಿಸರವೆ ಅಂದರೆ ಪಾಠಶಾಲೆಯೆ ಇದಕ್ಕೆ ಕಾರಣವಲ್ಲವೆ?

ನನ್ನ ನಿವಾಸದ ಸ್ವಲ್ಪ ಕೆಳಗೆ ಒಂದು ಹಣಮಪ್ಪನ ಸ್ವಲ್ಪ ದೊಡ್ಡ ಗುಡಿಯಿದೆ. ಅಲ್ಲಿ ರೈತರು ಹಾಗು ಕಾರ್ಮಿಕರು ಕೂತು, ಹರಟೆ ಹೊಡೆದು ಹೋಗುತ್ತಿರುತ್ತಾರೆ. ಕೆಲವು ದಿನಗಳ  ಹಿಂದೆ ಒಂದು ಸಾರ್ವಜನಿಕ ಪ್ರದರ್ಶನ ಅಲ್ಲಿ ನಡೆದಿತ್ತು. ಒಬ್ಬ ಪುಟ್ಟ ಹುಡುಗಿ ಹಾಗು ಒಬ್ಬ ಹದಿಹರೆಯದ ಹುಡುಗ , ಯಾವುದೋ ಸಿನಿಮಾ ಹಾಡಿಗೆ, ತಮ್ಮ ಮೈ ಕೈ ಕುಣಿಸುತ್ತ ಅಸಹ್ಯವಾಗಿ ಕುಣಿಯುತ್ತಿದ್ದಾರೆ. ಕೂಡಿದ ಸಾರ್ವಜನಿಕರಿಂದ ಸೀಟಿ ಹಾಗು ಚಪ್ಪಾಳೆಗಳ ಮೆಚ್ಚುಗೆ. ಇದಕ್ಕೆ ಕಾರಣವೆಂದರೆ ಯಾವ ಗುಡಿ ಗುಂಡಾರಗಳಲ್ಲಿ ಒಂದು ಕಾಲಕ್ಕೆ ಹಳ್ಳಿಗರುಸತ್ಯ ಹರಿಶ್ಚಂದ್ರನಂತಹ ಬಯಲಾಟಗಳನ್ನು ಆಡುತ್ತಿದ್ದರೊ, ಅಲ್ಲೀಗ ಅನೈತಿಕ ಕುಣಿತ ನಡೆಯುತ್ತಿದೆ. ಇಂತಹದನ್ನು ಹುಡುಗರು ಕಲಿಯುವುದು ಟೀವೀ ಹಾಗು ಸ್ಮಾರ್ಟಫೋನುಗಳಿಂದ. ಇದಕ್ಕೆ ಪ್ರೋತ್ಸಾಹ ಕೊಡುವವರು ನಮ್ಮ ಶಿಕ್ಷಕಿಯರು ಹಾಗು ಕೆಲವಾರು ಪತ್ರಕರ್ತರು.

ಭಲೇ ಜಯವೀರ ವಿಕ್ರಮ ಸಂಪತ್ ಗೌಡರೆ! ಸುರೇಶಕುಮಾರರು ನಮ್ಮೆಲ್ಲ ರಾಜಕಾರಣಿಗಳಲ್ಲಿಯೇ ಸಭ್ಯ ಹಾಗು ಸುಸಂಸ್ಕೃತ ಎಂದು ಹೆಸರಾದವರು. ನಾವು ಕಟ್ಟಬೇಕಾದ ಭಾರತವು ಸುಸಂಸ್ಕೃತವಾದ ಆಧುನಿಕ ಭಾರತ ಎಂದು ಅರಿತವರು. ಅವರ ಜೊತೆಗೆ ನೀವು ಕೈಕೂಡಿಸದಿದ್ದರೆ ಬೇಡ, ಅವರ  ಕಾಲೆಳೆಯದಿದ್ದರೆ ಸಾಕು!
-ಸುನಾಥ

Monday, December 16, 2019

ಮಹಾತ್ಮಾ ಗಾಂಧೀಜಿ, ನಾಥೂರಾಮ ಗೋಡಸೆ, ಸಾಧ್ವಿ ಪ್ರಜ್ಞಾಸಿಂಗ

ಮಹಾತ್ಮಾ ಗಾಂಧೀಜಿ:

ಗಾಂಧೀಜಿಯವರ ಬಾಲ್ಯದಲ್ಲಿ ಅವರ ತಂದೆ ಕರಮಚಂದ ಗಾಂಧೀಯವರ ಮನೆಯಲ್ಲಿ ವಿವಿಧ ಧರ್ಮಗಳ ಪಂಡಿತರಿಂದ ಧರ್ಮಜಿಜ್ಞಾಸೆ ನಡೆಯುತ್ತಿತ್ತುಇವರ ತಾಯಿ ಪುತಳೀಬಾಯಿಯವರೂ ಸಹ ಧಾರ್ಮಿಕ ವ್ರತಾಚರಣೆಗಳನ್ನು ಕಟ್ಟುನಿಟ್ಟಾಗಿ ಆಚರಿಸುತ್ತಿದ್ದರು. ಕೆಲವೊಂದು ದಿನಗಳಲ್ಲಿ ಚಂದ್ರನ ದರ್ಶನವಾದ ನಂತರವೇ ಊಟವನ್ನು ಮಾಡಬೇಕೆನ್ನುವ ಅವರ ನಿಯಮದಿಂದಾಗಿ, ಅವರಿಗೆ ಅನೇಕ ದಿನಗಳವರೆಗೆ ಉಪವಾಸವೇ ಗತಿಯಾಗುತ್ತಿತ್ತು. ಇದೆಲ್ಲ ಬಾಲಕ ಮೋಹನದಾಸನ ಮೇಲೆ ಗಾಢವಾದ ಪ್ರಭಾವವನ್ನು ಬೀರಿತು. ಧರ್ಮಶಾಸ್ತ್ರಗಳಲ್ಲಿ ಹೇಳಲಾದ ಸತ್ಯ, ಅಹಿಂಸೆ, ಅಸ್ತೇಯ, ಅಪರಿಗ್ರಹ, ಬ್ರಹ್ಮಚರ್ಯ ಮೊದಲಾದ ಅವರ ಸದಾಚರಣೆಗಳೆಲ್ಲ ಅವರ ಮೇಲೆ ಬಾಲ್ಯಕಾಲದಲ್ಲಾದ ಘಟನೆಗಳ ಪರಿಣಾಮಗಳೇ ಆಗಿವೆ. ಕಠೋರ ಉಪವಾಸವೂ ಸಹ ಅವರಿಗೆ ತಾಯಿಯಿಂದ ಬಂದ ಆದರ್ಶವೇ ಎನ್ನಬೇಕು. ಮನೋವಿಜ್ಞಾನಿ ಎರಿಕ್ ಎರಿಕ್ಸನ್ ಅವರು ಗಾಂಧೀಜಿಯವರ ಮನೋವಿಶ್ಲೇಷಣೆಯನ್ನು ನಿಟ್ಟಿನಿಂದ ಮಾಡಿ, ಅವರನ್ನು ರೂಪಿಸಿದ ಅನೇಕ ಮನೋವೈಜ್ಞಾನಿಕ ಸತ್ಯಗಳ ಮೇಲೆ ಬೆಳಕು ಬೀರಿದ್ದಾರೆ.

ನಿಕಟ ಕೌಟಂಬಿಕ ಪ್ರಭಾವಗಳು ಗಾಂಧೀಜಿಯವರನ್ನು ಒಬ್ಬ ಸಂತನನ್ನಾಗಿ ಮಾಡಿದರೆ, ಯುರೋಪಿಯನ್ ಚಿಂತಕರ ಗ್ರಂಥಗಳು ಅವರನ್ನು ಸಮಾಜಸುಧಾಕರನನ್ನಾಗಿ ಕಡೆದವು ಎಂದು ಹೇಳಬಹುದುಜಾ˘ನ್ ರಸ್ಕಿನ್ ಅವರ Unto This Last ಎನ್ನುವ ಗ್ರಂಥದ ಪರಿಣಾಮದಿಂದಾಗಿಯೇ ಅವರು ದಕ್ಷಿಣ ಆಫ್ರಿಕಾದಲ್ಲಿ ಫೀನಿಕ್ಸ್ ಆಶ್ರಮವನ್ನು ಸ್ಥಾಪಿಸಿದರು ಹಾಗು Indian Opinion ಎನ್ನುವ ಪತ್ರಿಕೆಯನ್ನು ಪ್ರಾರಂಭಿಸಿದರು. ಗಾಂಧೀಜಿಯವರು ದಕ್ಷಿಣ ಆಫ್ರಿಕಾದಲ್ಲಿ ಹಾಗು ಆಬಳಿಕ ಭಾರತದಲ್ಲಿ ಪ್ರಾರಂಭಿಸಿದ ಧರಣಿ ಸತ್ಯಾಗ್ರಹ, ದೀರ್ಘ ಪಾದಯಾತ್ರೆ, ಅಹಿಂಸಾತ್ಮಕ ಪ್ರತಿರೋಧ, ಉಪವಾಸ ಸತ್ಯಾಗ್ರಹ, ಅಸಹಕಾರ ಚಳುವಳಿ ಮೊದಲಾದ ಉಪಕ್ರಮಗಳು ಆನಂತರ ಇಡೀ ಜಗತ್ತಿನಲ್ಲಿ ಶೋಷಕರ ವಿರುದ್ಧದ ಚಳುವಳಿಗಳಿಗೆ ಪಥದರ್ಶಕ ಕ್ರಮಗಳಾದವು.  ಇದರಲ್ಲಿಉಪ್ಪಿನ ಸತ್ಯಾಗ್ರಹವು ಮಹತ್ವದ ಚಳುವಳಿಯಾಗಿದೆ.

ಸಾಬರಮತಿ ಆಶ್ರಮದಿಂದ ದಂಡಿಯವರೆಗಿನ ೩೧೧ ಕಿಲೋಮೀಟರುಗಳಷ್ಟು ದೂರವನ್ನು ೬೧ ವರ್ಷದ ಮುದುಕ ಕೋಲೂರುತ್ತ, ಕಾಲ್ನಡಿಗೆಯಿಂದ ಕ್ರಮಿಸಿ ಜಗತ್ಪ್ರಸಿದ್ಧಉಪ್ಪಿನ ಸತ್ಯಾಗ್ರಹವನ್ನು ಕೈಗೊಂಡರು. ಇಡೀ ಭಾರತದಾದ್ಯಂತ ಚಳುವಳಿ ದಳ್ಳುರಿಯಂತೆ ಹಬ್ಬಿತು. ಸಾವಿರಾರು ಸಂಖ್ಯೆಗಳಲ್ಲಿ ಪುರುಷ ಹಾಗು ಮಹಿಳಾ ಸತ್ಯಾಗ್ರಹಿಗಳು ಪೋಲೀಸರ ಕ್ರೌರ್ಯವನ್ನು ಎದುರಿಸಿಯೂ ಸತ್ಯಾಗ್ರಹವನ್ನು ಮುಂದುವರೆಸಿದರು.

ನಮ್ಮ ಮಂಗಳೂರಿನ ಮಹಿಳೆ (ಅನಂತಯ್ಯ ಧಾರೇಶ್ವರರ ಮಗಳಾದ) ಕಮಲಾದೇವಿ ಚಟ್ಟೋಪಾಧ್ಯಾಯರು ಮುಂಬಯಿಯಲ್ಲಿ ಚಳುವಳಿಯ ನೇತಾರರಾದರೆ, ತಮಿಳುನಾಡಿನಲ್ಲಿ ರಾಜಗೋಪಾಲಾಚಾರಿಯವರು ಚಳುವಳಿಯ ಮುಂದಾಳಾಗಿದ್ದರು. ಕಡಲತೀರಗಳಿದ್ದ ಊರುಗಳಲ್ಲಿ ಮಾತ್ರ ಚಳುವಳಿ ನಡೆಯಿತು ಎಂದಲ್ಲ. ಧಾರವಾಡದ ಸತ್ಯಾಗ್ರಹಿಗಳಾದ ಡಾ˘. ಕಬ್ಬೂರ, ಶಾಲಾ ಶಿಕ್ಷಕರಾದ ಶ್ರೀ ಕೆ.ಜಿ.ಜೋಶಿ ಹಾಗು ಶ್ರೀ ವ್ಹಿ.ಕೆ.ಹೋಳಿಕಟ್ಟಿ ಮೊದಲಾದವರು ಧಾರವಾಡದಿಂದ ಸುಮಾರು ೩೫ ಕಿಲೋಮೀಟರುಗಳಷ್ಟು ದೂರವಿರುವ ಬೆಣ್ಣಿಹಳ್ಳಕ್ಕೆ ತೆರಳಿ, ಅಲ್ಲಿಯ ಸವಳು ನೀರಿನಿಂದ ಉಪ್ಪು ತಯಾರಿಸಿ, ಪೋಲೀಸರ ದೌರ್ಜನ್ಯಕ್ಕೆ ಒಳಗಾದರು. (ಪೂಜ್ಯ ಶ್ರೀ ಜೋಶಿಯವರು ತನ್ನಂತರ ಬ್ರಿಟಿಶರು ಇಂಗ್ಲಂಡಿಗೆ ಕಳುಹಿಸಲು ಸಂಗ್ರಹಿಸಿ ಇಟ್ಟ ತೇಗಿನ ಮರಮಟ್ಟುಗಳಿಗೆ ಬೆಂಕಿ ಹಚ್ಚಿ ಅಘನಾಶಿನಿ ನದಿಯಲ್ಲಿ ತೇಲಿ ಬಿಟ್ಟು ಬ್ರಿಟಿಶರಿಗೆಅಗ್ನಿಸಂದೇಶವನ್ನು  ಕಳುಹಿಸಿದ ಸಾಹಸಿಗಳು. ಪೂಜ್ಯ ಶ್ರೀ ಜೋಶಿ ಹಾಗು ಪೂಜ್ಯ ಶ್ರೀ ಹೋಳಿಕಟ್ಟಿಯವರು ಮಾಧ್ಯಮಿಕ ಶಾಲೆಯಲ್ಲಿ ನನಗೆ ಕಲಿಸಿದ ಗುರುಗಳು!) 

ಮುಂಬಯಿಯಲ್ಲಿ ನಡೆದ ಅಹಿಂಸಾತ್ಮಕ, ಶಾಂತ ಸತ್ಯಾಗ್ರಹ ಹಾಗು ಸತ್ಯಾಗ್ರಹಿಗಳ ಮೇಲಿನ ಪೋಲೀಸರ ದೌರ್ಜನ್ಯವು ಅಮೆರಿಕದ ಪತ್ರಿಕೆಗಳಲ್ಲಿ ವರದಿಯಾದ ಬಳಿಕ ಬ್ರಿಟನ್ನಿಗೆ ರಾಜಕೀಯ ಹಿನ್ನಡೆಯಾಯಿತು. ಎಪ್ರಿಲ್ , ೧೯೩೦ರಂದು ಜರುಗಿದ ಗಾಂಧೀ-ಇರ್ವಿನ್ ಸಭೆಯಲ್ಲಿ, ಕಡಲ ತೀರದ ಜನರು, ತೆರಿಗೆರಹಿತವಾಗಿ ಉಪ್ಪನ್ನು ಉತ್ಪಾದಿಸಬಹುದು ಎನ್ನುವ ಒಪ್ಪಂದವಾಯಿತು!

ಗಾಂಧೀಜಿಯವರು ಭಾರತವರ್ಷದ ಆಧುನಿಕ ಸಂತರು. ಇವರನ್ನು ಬುದ್ಧ ಹಾಗು ಬಸವಣ್ಣನವರ ಪರಂಪರೆಯ  ಸಾಧಕರೆಂದು ಹೇಳಬಹುದು. ಏಕೆಂದರೆ ಬುದ್ಧ ಹಾಗು ಬಸವಣ್ಣನವರಂತೆ ಗಾಂಧೀಜಿಯವರು ಸಹ ತಮ್ಮ ವೈಯಕ್ತಿಕ ಆಧ್ಯಾತ್ಮಿಕ ಸಾಧನೆಯನ್ನಲ್ಲದೆ, ಭಾರತೀಯ ಸಮಾಜದ ಸರ್ವಸುಧಾರಣೆಗಾಗಿ ಹೆಣಗಾಡಿದವರು. ತಮ್ಮ ಸಂತಸದೃಶ ನಡತೆ ಹಾಗು ಪ್ರಭಾವಳಿಯಿಂದಾಗಿ, ಗಾಂಧೀಜಿಯವರು ಭಾರತೀಯರ ನೆಚ್ಚಿನ ಜನನಾಯಕರಾದರು.

ಹಾಗಿರುವಾಗ ಮಹಾತ್ಮಾ ಗಾಂಧೀಜಿಯವರು ಹತ್ಯೆಯಾಗಲು ಕಾರಣವೇನು?

ಗಾಂಧೀಜಿ ಹಾಗು ಭಾರತೀಯ ಮುಸಲ್ಮಾನರು:
ದಕ್ಷಿಣ ಆಫ್ರಿಕಾದ ಸರಕಾರವು ಭಾರತೀಯ ಧರ್ಮೋಕ್ತ ಮದುವೆಗಳಿಗೆ ಮನ್ನಣೆಯನ್ನು ಕೊಡಲಿಲ್ಲ. ಸರಕಾರಿ ರಜಿಸ್ಟ್ರೇಶನ್ ಇಲ್ಲದ ಭಾರತೀಯ ಮದುವೆಗಳನ್ನು ಬೇಕಾಯದೇಶೀರ ಕೂಡಿಕಿ ಎಂದು ಅಲ್ಲಿಯ ಸರಕಾರ ಘೋಷಿಸಿತು. ಇದು ಎಲ್ಲ ಧರ್ಮೀಯರಿಗೂ ಅನ್ವಯಿಸುತ್ತಿತ್ತು. ಇದರಿಂದಾಗಿ ಆಫ್ರಿಕಾದಲ್ಲಿದ್ದ ವಿವಿಧ ಧರ್ಮಗಳ ಹಾಗು ವಿವಿಧ ಭಾಷೆಗಳ ಭಾರತೀಯರು ಗಾಂಧೀಜಿಯವರಿಗೆ ಜೊತೆಯಾಗಿ, ಇದರ ವಿರುದ್ಧದ ಚಳುವಳಿಗಳಲ್ಲಿ ಭಾಗವಹಿಸಿದರು.

ಗಾಂಧೀಜಿ ಭಾರತಕ್ಕೆ ಬಂದ ಸಮಯದಲ್ಲಿ ಇಲ್ಲಿಯ ಪರಿಸ್ಥಿತಿ ಭಿನ್ನವಾಗಿತ್ತು.ಬ್ರಿಟಿಶರ ವಿರುದ್ಧ ಜರುಗಿದ ಇಲ್ಲಿಯ ಹೋರಾಟಗಳಲ್ಲಿ ಮುಂದಾಳುಗಳಾದ ಬಾಲಗಂಗಾಧರ ತಿಲಕ(ಮಹಾರಾಷ್ಟ್ರ), ಲಾಲಾ ಲಜಪತರಾಯ(ಪಂಜಾಬ) ಹಾಗು ಬಿಪಿನಚಂದ್ರ ಪಾಲ (ಬಂಗಾಲ) ಇವರು ಹಿಂದುಗಳಾಗಿದ್ದರು. ಇಷ್ಟರಲ್ಲಿ ಬ್ರಿಟಿಶರು ಕೆಲವು ಮುಸಲ್ಮಾನ ಗಣ್ಯರನ್ನು ಮುಸ್ಲಿಮ ಮುಂದಾಳುಗಳನ್ನಾಗಿ ಮಾಡಿ, ಮುಸ್ಲಿಮರನ್ನು ಹಿಂದುಗಳ ವಿರುದ್ಧ ಎತ್ತಿ ಕಟ್ಟುವುದರಲ್ಲಿ ಸಫಲರಾಗಿದ್ದರು. ಭಾರತೀಯ ನವೋದಯವು ಕೇವಲ ಹಿಂದೂ ನವೋದಯವೆಂದೂ, ಮುಸ್ಲಿಮರ ನವೋದಯ ಅಲ್ಲವೆಂದೂ, ಮುಸ್ಲೀಮ್ ರಾಷ್ಟ್ರೀಯತೆ ಬೇರೆಯಾಗಿದೆ ಎಂದೂ ಮುಸ್ಲೀಮರ ಮನದಲ್ಲಿ ಬಿತ್ತಲಾಯಿತು.

ಆಫ್ರಿಕಾದಲ್ಲಿ ಭಿನ್ನ ಧರ್ಮೀಯರೆಲ್ಲ ಒಟ್ಟಾಗಿ ಹೋರಾಡಿದಂತೆ ಇಲ್ಲಿಯೂ ಒಟ್ಟಾಗಿ ಹೋರಾಡಬಹುದೆಂದು  ತಿಳಿದ ಗಾಂಧೀಜಿಯವರು ನಿಟ್ಟಿನಲ್ಲಿ ಪ್ರಯತ್ನಿಸಿದರು. ಮುಸಲ್ಮಾನರ ಮನ ಗೆಲ್ಲಲುಖಿಲಾಫತ್ಚಳುವಳಿಯಲ್ಲಿ ಭಾಗವಹಿಸಿದರು. ಸಮಯದಲ್ಲಿ ಮುಸಲ್ಮಾನರು ಕೇರಳ ಹಾಗು ಭಾರತದ ಇತರ ಕೆಲವು ಕಡೆಗಳಲ್ಲಿ ಹಿಂದೂಗಳ ಕಗ್ಗೊಲೆಯನ್ನು ಮಾಡಿದರೂ ಸಹ ಅದನ್ನುಖಂಡಿಸದೇ, ಇದು ತಪ್ಪು ಕಲ್ಪನೆಯಿಂದಾದ ಘಟನೆ ಎಂದು ಕೊಲೆಗಡುಕರ ಪರವಾಗಿ ವಾದಿಸಿದರು. ಭಾರತ ಇಬ್ಭಾಗವಾಗಬಾರದೆಂದು ಜಿನ್ನಾರ ಮನ ಒಲಿಸಲು ಗಾಂಧೀಜಿಯವರು ಮಾಡಿದ ಪ್ರಯತ್ನಗಳು ಸಫಲವಾಗಲಿಲ್ಲ. ಜಿನ್ನಾ ಅವರು ‘D-Day’ಗೆ ಕೊಟ್ಟ ಕರೆಯ ಪರಿಣಾಮವಾಗಿ ಒಂದೇ ದಿನದಲ್ಲಿ ಮೂರುಸಾವಿರ ಹಿಂದೂಗಳ ಕೊಲೆ ನಡೆಯಿತು. ಗಾಂಧೀಜಿಯವರ ಮನಸ್ಸಿನ ವಿರುದ್ಧವಾಗಿ ಭಾರತ ಇಬ್ಭಾಗವಾಯಿತುಡಾ˘. ಅಂಬೇಡಕರ ಹಾಗು ವಲ್ಲಭಬಾಯಿ ಪಟೇಲರು ಭಾರತ ಹಾಗು ಪಾಕಿಸ್ತಾನಗಳ ನಡುವೆ ಜನಸಮುದಾಯ ವಿನಿಮಯ ( Population transfer) ನಡೆಯಲಿ ಎಂದು ಪ್ರತಿಪಾದಿಸಿದ್ದರು. ಆದರೆ ಗಾಂಧೀಜಿ ಒಪ್ಪಲಿಲ್ಲ.  ಎರಡೂ ಕಡೆಗಳಲ್ಲಿ ಸಾವಿರಾರು ಜನರ ಕೊಲೆ, ಅತ್ಯಾಚಾರ, ಲೂಟಿ ನಡೆದವು. ಅನೇಕರು ನಿರಾಶ್ರಿತರಾದರು. ಇವರ ದೇಶಾಂತರ ಪರ್ವ ನಡೆಯಿತು. ಪರಿಣಾಮ ದಾರುಣವಾಗಿತ್ತು.

ನಾಥೂರಾಮ ಗೋಡಸೇ:  ಹಿಂದೂ-ಮುಸ್ಲಿಮ್ ಮಾನಸಿಕ ವಿಭಜನೆಯಾಗಲು ಗಾಂಧೀಜಿಯವರು ತಳೆಯುತ್ತಿದ್ದ ಮುಸ್ಲಿಮಪರ ಧೋರಣೆಗಳೇ ಕಾರಣ ಎನ್ನುವದು ಕೆಲವು ಹಿಂದೂಗಳ ಅಭಿಪ್ರಾಯವಾಗಿತ್ತು. ವಿಭಜನೆಯ ನಂತರ ನಡೆದ ನರಮೇಧ, ಅತ್ಯಾಚಾರ, ಸುಲಿಗೆ ಇವೆಲ್ಲವಕ್ಕೆ ಗಾಂಧೀಜಿಯವರ impractical ಆದರ್ಶ ಹಾಗು  ಉಪದೇಶಗಳೇ ಕಾರಣ ಎನ್ನುವುದು ಹಿಂದೂ ಮುಖಂಡರ ಅಭಿಪ್ರಾಯವಾಗಿತ್ತು. ಭಾರತವನ್ನು ಆಳುತ್ತಿದ್ದಂತಹ ಕಾಂ˘ಗ್ರೆಸ್ ಸರಕಾರವು ಗಾಂಧೀಜಿಯವರು ಹಾಕಿದ ಗೆರೆಯನ್ನು ದಾಟುತ್ತಿದ್ದಿಲ್ಲ. ಇದನ್ನೆಲ್ಲ ತಪ್ಪಿಸಲು ಈ ಮುಖಂಡರಲ್ಲಿ ಕೆಲವರಿಗೆ ಒಂದೇ ಮಾರ್ಗ ಕಾಣುತ್ತಿತ್ತು. ಅದು ಭಾರತದ ರಾಜಕೀಯ ಪಟದಿಂದ ಗಾಂಧೀಜಿ ಇಲ್ಲವಾಗುವುದು. ಅರ್ಥಾತ್ ಗಾಂಧೀಜಿಯ ಹತ್ಯೆ!

ಗಾಂಧೀಜಿಯ ಹತ್ಯೆಯನ್ನು ಮಾಡಲು ಎಂಟೆದೆಯ ವ್ಯಕ್ತಿ ಬೇಕು. ನಾಥೂರಾಮ ಗೋಡಸೇ ಒಬ್ಬ ಸುಶಿಕ್ಷಿತ ವ್ಯಕ್ತಿ. ಗಾಂಧೀಜಿಯವರ ಹತ್ಯೆಯನ್ನು ಮಾಡುವುದೆಂದರೆ ತಾನೂ ಆತ್ಮಹತ್ಯೆಯನ್ನು ಮಾಡಿಕೊಂಡಂತೆಯೇ ಎನ್ನುವುದನ್ನು ಗೋಡಸೇ ಅರಿತಿದ್ದ. ತನ್ನ ವಿಚಾರಗಳಿಗೆ ಸಾರ್ವತ್ರಿಕ ಮನ್ನಣೆ ದೊರೆಯಬೇಕು ಎನ್ನುವ ಕಾರಣಕ್ಕಾಗಿಯೇ ಆತ ತುಂಬಿ ತುಳುಕುತ್ತಿರುವ ಪ್ರಾರ್ಥನಾ ಸಭೆಯಲ್ಲಿ ಗಾಂಧೀಜಿಯವರನ್ನು ಗುಂಡಿಕ್ಕಿ ಕೊಲೆಗೈದ (೩೧--೧೯೪೮). ಯಾವುದೇ ಪ್ರತಿರೋಧವಿಲ್ಲದೆ, ಅಲ್ಲಿಯೇ ಪೋಲೀಸರಿಗೆ ಶರಣಾದ. ಗೋಡಸೇಯ ನ್ಯಾಯಿಕ ವಿಚಾರಣೆ ನಡೆದ ನಂತರ  ೧೫ ನವ್ಹೆಂಬರ ೧೯೪೯ರಂದು ಗೋಡಸೇಯನ್ನು ಗಲ್ಲಿಗೇರಿಸಲಾಯಿತು.
ಸಾಧ್ವಿ ಪ್ರಜ್ಞಾಸಿಂಗ ಠಾಕೂರ: ಸಾಧ್ವೀ ಪ್ರಜ್ಞಾಸಿಂಗರು ಗೋಡಸೇಯ ವಿಚಾರಧಾರೆಯನ್ನು ಬೆಂಬಲಿಸುವವರು. ಭಾರತವಿರೋಧೀ ಬ್ರಿಟಿಶ ಅಧಿಕಾರಿಗಳನ್ನು ಬಲಿಹಾಕಿದ ಭಗತಸಿಂಗ, ರಾಜಗುರು ಇವರನ್ನು ನಾವು ಗೌರವಿಸುವದಾದರೆ, ಹಿಂದೂಗಳಿಗೆ ಅನ್ಯಾಯ ಬಗೆದ, ಆ ಮೂಲಕ ಭಾರತಕ್ಕೆ ಅನ್ಯಾಯ ಬಗೆಯುತ್ತಿರುವ ಗಾಂಧೀಜಿಯವರನ್ನು ಹತ್ಯೆ ಮಾಡಿದ ಗೋಡಸೇಯನ್ನು ಏಕೆ ಗೌರವಿಸಬಾರದು ಎನ್ನುವುದು ಸಾಧ್ವೀ ಪ್ರಜ್ಞಾಸಿಂಗರ ಪ್ರಶ್ನೆ. ಆದರೆ ಭಾರತದಲ್ಲಿ ಮಹಾತ್ಮರಿಗೆ ಅತ್ಯಂತ ಉಚ್ಚ ಸ್ಥಾನವಿದೆಇವರನ್ನು ಭಾರತದ ಪವಿತ್ರ ಗೋವು (holy cow) ಎನ್ನಬಹುದು. ಗಾಂಧೀಜಿಯ ಪ್ರಭಾವಳಿಯನ್ನು ತಮ್ಮ ಸ್ವಾರ್ಥಕ್ಕಾಗಿ ಬಳಸಿಕೊಳ್ಳಲು ಬಯಸುವ ಕೆಲವು ರಾಜಕಾರಣಿಗಳು ಗಾಂಧೀದೂಷಣೆಯನ್ನುಧರ್ಮದ್ರೋಹ’ (blasphemy) ಎಂದು ದೊಡ್ಡ ದನಿಯಲ್ಲಿ ಅರಚುತ್ತಾರೆ. ಹೀಗಾಗಿ ಗಾಂಧೀಹಂತಕ ಗೋಡಸೇ ಭಾರತದಲ್ಲಿ ಒಬ್ಬ ಅತ್ಯಂತ ಹೀನವ್ಯಕ್ತಿಯಾಗಿ ಪರಿಗಣಿಸಲ್ಪಟ್ಟಿದ್ದಾನೆ. ಅಂಥವನನ್ನು ಸಾಧ್ವೀ ಪ್ರಜ್ಞಾಸಿಂಗರುದೇಶಭಕ್ತಎಂದು ಕರೆಯಬಹುದೆ?
ತಮ್ಮ ಮನಸ್ಸಿನಲ್ಲಿ ಏನೇ ಇದ್ದರೂ ಸಹ ಸಾಧ್ವೀ ಪ್ರಜ್ಞಾಸಿಂಗರು ಸಾರ್ವಜನಿಕವಾಗಿ ಇಂತಹ ಹೇಳಿಕೆಯನ್ನು ನೀಡಬಾರದಾಗಿತ್ತು. ಇದು ರಾಜಕೀಯವಾಗಿ ಅತ್ಯಂತ ಅಪ್ರಬುದ್ಧ ಹೇಳಿಕೆ ಹಾಗು ಚುನಾವಣೆಯಲ್ಲಿ ಭಾರತೀಯ ಮತದಾರರ ಮೇಲೆ ಕೆಟ್ಟ ಪರಿಣಾಮವನ್ನು ಮಾಡೀತು”, ಎಂದು ಭಾವಿಸಿದ ಭಾರತೀಯ ಜನತಾ ಪಕ್ಷವು ಸಾಧ್ವೀ ಪ್ರಜ್ಞಾ ಸಿಂಗ ಠಾಕೂರರನ್ನು ತನ್ನ ಕೆಲವೊಂದು ಸಮಿತಿಗಳಿಂದ ಹೊರಹಾಕಿತು ಎಂದು ನನ್ನ ಭಾವನೆ. ಅದೂ ಅಲ್ಲದೆ, ಈಗಾಗಲೇ ಗಾಂಧೀಜಿಯವರು ನಮ್ಮ ರಾಷ್ಟ್ರಪಿತರಾಗಿ ದೇಶದ ಅತ್ಯುಚ್ಚ ಸ್ಥಾನದಲ್ಲಿದ್ದಾರೆ; ಅವರ ಹಂತಕನನ್ನುದೇಶಭಕ್ತಎಂದು ಕರೆಯುವುದು, ಅಂತರರಾಷ್ಟ್ರೀಯ ಪಟದಲ್ಲಿ ಭಾರತಕ್ಕೆ ಅಗೌರವ ತಂದಂತೆ ಎನ್ನುವ ವಿಚಾರವೂ ಇರಬಹುದು. ಇದೆಲ್ಲ ಸರಿ ಎನ್ನುವಂತೆ, ಕೆಲವು ರಾಜಕಾರಣಿಗಳು ಸಾಧ್ವೀ ಪ್ರಜ್ಞಾಸಿಂಗ ಠಾಕೂರರನ್ನು ತಮ್ಮ ಭಾಷಣಗಳಲ್ಲಿ ಹಾಗು ತಮ್ಮ ಟ್ವೀಟುಗಳಲ್ಲಿ ಗಲ್ಲಿಗೇರಿಸಿದರು.
ಸರಿ, ಸಾಧ್ವೀ ಪ್ರಜ್ಞಾಸಿಂಗ ಠಾಕೂರರು ತಮ್ಮ ಉಚ್ಚ ಸ್ಥಾನದಿಂದ ಕೆಳಗುರುಳಿ, ಮಣ್ಣು ಮುಕ್ಕಿದರು. ಆದರೆ, ನಮ್ಮ ಮುಂದಿರುವ ಪ್ರಶ್ನೆ ಬೇರೆಯೇ ಆಗಿದೆ. ಸಾಧ್ವೀ ಪ್ರಜ್ಞಾಸಿಂಗರಿಗೆ ವಿಚಾರಸ್ವಾತಂತ್ರ್ಯ ಇಲ್ಲವೆ? ಅವರಿಗೆ ತಮ್ಮ ಅಭಿಪ್ರಾಯವನ್ನು ವ್ಯಕ್ತ ಪಡಿಸುವ ಸಂವಿಧಾನದತ್ತ ಸ್ವಾತಂತ್ರ್ಯ ಇಲ್ಲವೆ? ಅವರ ಅಭಿಪ್ರಾಯವು ದೇಶದ್ರೋಹವೆ, ಧರ್ಮದ್ರೋಹವೆ? ಯಾವುದೇ ವಿಚಾರಣೆ ಇಲ್ಲದೆ, ಸೆರೆಮನೆಯಲ್ಲಿ ವರ್ಷಗಳವರೆಗೆ ಹೇಳಲಾಗದಂತಹ ಕ್ರೌರ್ಯವನ್ನು ಅನುಭವಿಸಿದ ಸಾಧ್ವೀ ಪ್ರಜ್ಞಾಸಿಂಗರ ಗಂಟಲನ್ನೂ ಹಿಚುಕುವ ಹಿಂಸೆಯನ್ನು ರಾಜಕಾರಣಿಗಳು ಅವರಿಗೆ ಕೊಡುವುದು ಸರಿಯೆ? ಇದು ರಾಜಕಾರಣಿಗಳ ಪ್ರಜ್ಞೆಯನ್ನು ಬಾಧಿಸುವದಿಲ್ಲವೆ?
ಮಹಾತ್ಮಾ, ನೀವು ಮತ್ತೊಮ್ಮೆ ಸತ್ತಿರಿ!
ಸಂದರ್ಭದಲ್ಲಿ ನನಗೆ ಶೇಕ್ಸಪಿಯರನ ನಾಟಕಜೂಲಿಯಸ್ ಸೀಜರದಲ್ಲಿ, ಸೀಜರನ ಕೊಲೆಗಾರಲ್ಲಿ ಒಬ್ಬನಾದ ಬ್ರೂಟಸ್, ಜನಸಮುದಾಯದ ಎದುರಿನಲ್ಲಿ ಮಾಡಿದ ಭಾಷಣದ ಒಂದು ಮಾತು ನೆನಪಿಗೆ ಬರುತ್ತದೆ: Not that I loved Ceaser less, but I loved Rome more.
ಬಹುಶಃ ಗೋಡಸೇ ಸಹ ಹೀಗೆಯೇ ಅಂದುಕೊಂಡಿರಬಹುದು: Not that I respected Gandhiji less, but I loved India more!
ಅಥವಾ ಹಾಗೆ ಅಂದುಕೊಂಡಿರಲಿಕ್ಕಿಲ್ಲ.